ខ្មែរ, ពត៍មានពីប្រទេសកម្ពុជា, ពត៍មានក្រៅប្រទេស, ពត៍មាននៅក្នុងប្រទេសថៃ, ពត៍មានប្រែពីភាសាថៃ

ពលរដ្ឋ២០%ប៉ុណ្ណោះដែលយល់និងគោរពច្បាប់ចរាចរណ៍នៅកម្ពុជា

admin — Tue, 10 Nov 2009 14:37:04 +0000

សកម្មភាព នគរបាល ចរាចរណ៍ ចាប់ ឃាត់ ម៉ូតូ ដែល មិន ដាក់ កញ្ចក់ និង ម្ចាស់ មិន ពាក់ មួក នៅ លើ វិថី ព្រះ នរោត្តម នា ថ្ងៃ ទី ៥ សីហា ២០០៩។

នៅក្នុងរយៈពេល១០ខែនៃឆ្នាំ២០០៩នេះ តាមការស្រាវជ្រាវរបស់អង្គការក្រៅរដ្ឋាភិបាលមួយបានរកឃើញថា មានប្រជាពលរដ្ឋ២០%ប៉ុណ្ណោះ ដែលយល់ដឹងនិងគោរពច្បាប់ចរាចរណ៍នៅកម្ពុជា។

មន្រ្តីអង្គការក្រៅរដ្ឋាភិបាលដែលធ្វើការផ្សព្វផ្សាយអំពីការគោរព ច្បាប់ចរាចរណ៍ផ្លូវគោក បានឲ្យដឹងនៅថ្ងៃ៩ វិច្ឆិកាថា តាមការស្រាវជ្រាវឲ្យដឹងថា ពលរដ្ឋមានការយល់ដឹងអំពីច្បាប់ចរាចរណ៍នៅមានកម្រិតនៅឡើយ ហើយក្នុងអ្នកបើកបរយានយន្តនានា១០០នាក់ អ្នកមានប័ណ្ណបើកបរមានតែ៤០នាក់ប៉ុណ្ណោះ។

ប្រធានមជ្ឈមណ្ឌលវប្បធម៌ជាតិនិងសីលធម៌សង្គម លោក ប៉ូ សំណាង បានមានប្រសាសន៍ថា ប្រជាពលរដ្ឋទូទាំងប្រទេសកម្ពុជា មានចំនួន២០%ប៉ុណ្ណោះ ដែលយល់ដឹងនិងគោរពច្បាប់ចរាចរណ៍នៅក្នុងឆ្នាំ២០០៩នេះ។ លោកបញ្ជាក់ថា ការយល់ដឹងច្បាប់ចរាចរណ៍នៅមានកម្រិតនេះ មកពីការអនុវត្តច្បាប់របស់សមត្ថកិច្ចចរាចរណ៍និងមកពីប្រព័ន្ធ ផ្សព្វផ្សាយនៅមានកម្រិត។

លោក ប៉ូ សំណាង មានប្រសាសន៍ដូច្នេះ ៖ «ច្បាប់ដូចជាការផាកពិន័យ ហ្នឹង គឺយើងសុំឲ្យមានការដើរទន្ទឹមគ្នាផង ព្រោះយើងមើលឃើញថា សព្វថ្ងៃនេះការផ្សព្វផ្សាយមានកម្រិតមួយយ៉ាងទាបជាងការផាកពិន័យ ការផាកពិន័យអាចនាំឲ្យប្រជាជនកម្ពុជាយើងរងគ្រោះដោយសារការផាក ពិន័យ»។

លោកបានលើកឡើងទៀតថា ការចាប់និងផាកពិន័យចំពោះប្រជាពលរដ្ឋណាមិនគោរពច្បាប់ចរាចរណ៍មិន មានប្រសិទ្ធភាពនោះទេ ព្រោះការផាកពិន័យនិងការសូកប៉ាន់ប៉ូលិសចរាចរណ៍ ជាលេសមួយជំរុញឲ្យប្រជាពលរដ្ឋមិនគោរពនិងស្វែងយល់អំពីច្បាប់ ចរាចរណ៍ទៅវិញទេ។

លោក ប៉ូ សំណាង មានប្រសាសន៍ដូច្នេះទៀតថា ៖ «ច្បាប់ចរាចរណ៍យើង លោកមានការផាកពិន័យល្អ ប៉ុន្តែដោយសារការអនុវត្តរបស់យើងមានភាពមិនច្បាស់លាស់។ ឧទាហរណ៍ដូចជាផ្លូវគេហាមមិនឲ្យបើក អ៊ីចឹងហើយអ្នកហ្នុងហ៊ានបើកនៅពេលប៉ូលិសផាក គាត់មានបញ្ហាសូកប៉ាន់ អ៊ីចឹងបើកចូលទៅ»។

យ៉ាងនេះក្តី នាយរងការិយាល័យចរាចរណ៍ផ្លូវគោក លោកវរសេនីយ៍ត្រី ប៉ែន ឃុន បានអះអាងថា ក្នុងឆ្នាំ២០០៩នេះ បើប្រៀបធៀបក្នុងរយៈពេលដូចគ្នាទៅនឹងឆ្នាំ២០០៨ គឺប្រជាពលរដ្ឋមានការយល់ដឹងអំពីច្បាប់ចរាចរណ៍ច្រើនជាងមុន។ លោកបានឲ្យដឹងទៀតថា អត្រាគ្រោះថ្នាក់ចរាចរណ៍ធ្លាក់ចុះ ប៉ុន្តែការស្លាប់នៃការគ្រោះថ្នាក់ចរាចរណ៍នេះកើនជាងឆ្នាំ២០០៨។

លោក ប៉ែន ឃុន បានអះអាងដូច្នេះ ៖ «រាជធានីភ្នំពេញរបស់យើងមាន ការរឹតបន្តឹងការអនុវត្តច្បាប់ ដូចពេលថ្ងៃយើងបង្កើនការផាកពិន័យនៅតាមដងផ្លូវនានា ដោយឡែកពេលយប់យើងបានធ្វើល្បឿនមួយទៀតដើម្បីកាត់បន្ថយគ្រោះថ្នាក់ ការបើកបរលើសកំណត់ និងគ្រឿងស្រវឹងមួយទៀត»។

លោក ប៉ែន ឃុន បានបន្ថែមថា ប្រជាពលរដ្ឋមិនបានគោរពច្បាប់ចរាចរណ៍ គឺពិសេសនៅពេលយប់ ដូចជាការបើកបរនិងមិនពាក់មួកសុវត្ថិភាពជាដើម។ លោកវរសេនីយ៍ត្រី ប៉ែន ឃុន បានបញ្ជាក់ថា ចំពោះការបើកបរក្នុងរាជនីភ្នំពេញ គឺច្បាប់អនុញ្ញាតឲ្យបើកក្នុងល្បឿនតែ៤០គីឡូម៉ែត្រប៉ុណ្ណោះក្នុង មួយម៉ោង។

អត្ថបទផ្សេងៗដែលទាក់ទង

យោធា​ម្នាក់​នៅ​ខែត្រ​ស្ទឹងត្រែង​ចោទ​ថា​មេ​បញ្ជាការ​ដក​តួនាទី

អត្ថបទផ្សេងៗដែលទាក់ទង

អតីត​នាយក​រដ្ឋមន្ត្រី​ថៃ ថាក់ស៊ីន មក​ដល់​ប្រទេស​កម្ពុជា

អត្ថបទផ្សេងៗដែលទាក់ទង

កម្ពុជា​ប្រារព្ធ​ខួប​ទី​៥៦​នៃ​បុណ្យ​ឯករាជ្យ​ជាតិ ៩ វិច្ឆិកា

អត្ថបទផ្សេងៗដែលទាក់ទង

មេ​បញ្ជាការ​ខ្មែរ​-​ថៃ​គ្រោង​ជួប​ប្រជុំ​គ្នា​ដើម្បី​បន្ធូរ​បន្ថយ​ភាព​តានតឹង

អត្ថបទផ្សេងៗដែលទាក់ទង

នាយក​រដ្ឋមន្ត្រី​ខ្មែរ៖ ថាក់ស៊ីន ជា​មិត្ត​សម្លាញ់​អមតៈ

អត្ថបទផ្សេងៗដែលទាក់ទង

ហ៊ុន សែន ប្រតិកម្ម​នឹង​ការ​គំរាម​បិទ​ព្រំដែន​របស់​ថៃ

អត្ថបទផ្សេងៗដែលទាក់ទង

ពលរដ្ឋ២០%ប៉ុណ្ណោះដែលយល់និងគោរពច្បាប់ចរាចរណ៍នៅកម្ពុជា

យោធាម្នាក់នៅខែត្រស្ទឹងត្រែងចោទថាមេបញ្ជាការដកតួនាទី

អតីតនាយករដ្ឋមន្ត្រីថៃ ថាក់ស៊ីន មកដល់ប្រទេសកម្ពុជា

កម្ពុជាប្រារព្ធខួបទី៥៦នៃបុណ្យឯករាជ្យជាតិ ៩ វិច្ឆិកា

មេបញ្ជាការខ្មែរ-ថៃគ្រោងជួបប្រជុំគ្នាដើម្បីបន្ធូរបន្ថយភាពតានតឹង

នាយករដ្ឋមន្ត្រីខ្មែរ៖ ថាក់ស៊ីន ជាមិត្តសម្លាញ់អមតៈ

ហ៊ុន សែន ប្រតិកម្មនឹងការគំរាមបិទព្រំដែនរបស់ថៃ